« In kaze lo toi i koule i gingn boush lo zyé solèye, pa la plui »

Médame zé Méssyé, la sossyété, koze èk mwin sé koze èk in kouyon, mé sé o pyé d’lo mir k’i oi lo vré masson.

Mézami, zordi, ni kontinyé noute voiyaz dann bande provèrb in péi i apèl Haïti. Sète mwin la pran zordi lé pa diffisil pou konprann-lé pa bézoin d’ète in gran diplomé pou konprande in n’afèr konmsa. Pou kossa bann zansien haïtien i shoizi la kaze konm égzanp ? Lé sinp : sé pars laba néna in bonpé kaz bidonvil, zot lé doboute, zot néna in toi, lo mir, vyé porte vyé fénète é konm dabitide-konm i di La Rényon lontan-kan la plui i tonbe for, lo toi i koul é sa wi pé pa trishé konte sa.

Mé kèl sé lo sanss figuiré oziss ? Pou mwin sé sinploman ké l’aparanss lé tronpère. Lé ziss fé pou foute aou d’dan é si ou la pa méfyé, ou lé riskab rogrète oute fars. Alé ! Mi kite azot rofléshi la dsi é ni rotrouv plii d’van. Sipétadyé.

Kaille koulé twompé soleil, main li pa twompé lapli : proverbe Aïti.