Oté

« In konsèye itil : Kont lo maloki, in bon pomad la farmasi »

In kozman pou la rout

Justin / 26 séptanm 2020

JPEG - 43.6 ko

Médam zé Mésyé, la konpagni, mi koné pa pou koué néna in kantité mloki konmsa La Rényon. Mi koné pa si sé moin k’i rosan lé shoz konmsa sansa si sé la vérité. Mé i fé l’èr koméla, néna bann maloki pli k’i anfo par rapôr la dansité la popilasyon. In pti parantèz : Pou bann bon kréolis, Konm Daniel Honoré, maloki sé demoun zalou-alé oir malsoufran sé plito bann moun lé toultan movèz imèr. Donk pou sak lé maloki, mi pans néna in solisyon, sé sak lé marké an-o la. Pou sak lé mal soufran zot i pé ésèye in téknik sé fé lèsh zot dsou d’pyé par la lang rapant in kabri. Si in moun lé maloki-antansyon mi sava pa fé intrété an mil paz dsi la malokisité poitan i méritré. Ni pé domandé si sa sé in triktrak programé dann bann jène, sansa si l’anvironeman néna in konsékans dsi la malokisité. Na in vaksin pou sa ? Mi koné pa mé ma dmann mésyé Véran. Sé in lmaladi d’lam sa, sansa in rèstan la mikrobi ? Alé ! Mi pans l’inivèrsité i pé pansh ali dsi in « maladi » tipikman d’shé nou é an atandan mi domann azot rofléshi dsi la késtyon é ni artrouv pli d’van. Sipétadyé.