« In kontro-fé » – In kozman pou la rout

17 novanm 2015, sanm Justin

Kosa i lé in kontro-fé ? Osinonsa in kontre-fé ? Sa téi fé dann tan lontan. Kan lo fé I pète dann in karo kann, lo bann planter téi koup in bon lèz kann épi té I mète do fé a partir d’la lèz, dizon in térinn longuèr... Dofé té I grenn la-dan I fo oir komané téi tinn lo fé k’i pran dann karo kann. Koméla in kontre-fé sé in téknik pou vanj kont do fé avèk do fé. Sa i pé z’ète vré pou d’ot zafèr ké lo fé, dann sak i apèl son sans figiré. In légzanp i ariv dann mon majinasyon sé kan désèrtin politik lé mayé dann in ‘afèr d’loi é zot i déklansh in manifèstasyon kont z’ot akizatèr pou fé kroir l’opinyon sé zot ké na rézon. Kosa zot i anpans ? Arien ditou ? Fé travay z’ot koko ! Fé bouy z’ot matyèr griz ! zot va oir ké, rant-rant, ni pé z’ète, tazantan dakor rantre nou !.


Signaler un contenu

Inn modékri, inn ti lavi, inn komantèr ?


Témoignages - 80e année

La pès kabo

5 juillet, par Christian Fontaine

Kan i ariv Novanm-Désanm-Zanvié, domoun i réziste pi ek la salèr. Zène-zan i mars dann somin, zène-fi i roul an dékolté ; sétaki i rod in manir po (…)


+ Lus