(page 16)

Bann dirizan l’UMP èk le P.S. - sa mèm, sat té ki vé roul anou in mové Konstitision sou d’ ri ranshéri - lé konm pétrifié. Zot stipéfaksion zordi lé osi for larogans’ zot lavé ièr. Mé alé pa kroir, pou otan, zot la konpri vréman kosa zot la pran dérièr zorèy !

Na ankor bonpé zilizion pou tonbé, a la foi dann l’UMP é dann le P.S.. Si l’UMP i kroi borde la kolèr le pèp èk in sinp remaniman gouvèrnman, dizon li sava dirèk vèr inn ot K.O. deboute. Parlon pi pou le P.S.. Laltèrnans’ la zamé été in kostime tayé a vi pou in parti noré “vokasion” ! !

Zordi, de moune lé pi la èksa. Kisa sora o pouvoir zordi ou demin ? La pa le problèm. Parkont, kèl sosiété ni vé konstrui nout toute ansanm ? Kèl lékonomi ni vé mèt an plas’ é o bénéfis’ kisa ? La, le pèp la fé konprann li nana so mo pou di. É li la pi pou boush son gèl ! ! !

Justin