Mwin la déza antann parl lanvi létshi, lanvi d’zavoka, l’anvi d’gato épi d’ote shoz ankor ; Si tèlman lo fitir papa i tash moiyin done satisfakssion son madam pou pa k’i marke dsi la po lo bébé a nète.

Dann somi-lo mo, in liv lo gran Daniel Honoré i parl in naevus congénitalkom in sorte tash i aparète dsi la po bann marmaye an néssan épi i di issi shé nou i anparl sa konm in lanvi d’fam ansinte la pa gingn satisfakssion. Défoi sa lé pa zoli pou vréman in marke sossiss dsi la figuir lé pa tro zoli a oir mé demoune i abityé si la pa in gro tash de vin.

Alé ! Mi kite azot kroir si zot i vé, pa kroir si zot i vé pa mé i ariv pa souvan mé défoi néna in tash dsi la po bann zanfan. Mi kroi pa sa i pé palir, mèm disparète, antouléka lé konmsa é pa otroman ;

Ni artrouv pli dvan sipétadyé.

Justin