Nout tout i koné kosa sa i vé dir. Pétète nou néna dsi nout kor par-si par-la inn-dé tash é ni apèl sa l’anvi. Sak mi koné sé ké souvan dé foi bann fitir papa i pèrd l’èr avèk z’ot madam dsi la késtyonn l’anvi. Zot i koné, mi sipoz l’istoir Tizan. Sa i komans par in drol l’anvi momon Tizan : mi vé dolo la poin lo gou grénouy é bien sir lo papa i mète a kourir mé shak foi lo li la trap dolo, la pa bon ziska ké lo madam èl mèm i fini par trouv sak èl i vé dann zardin Grandyab… In dalon i di amoin koméla lo zonm osi nana lanvi fam ansint : sa i vé dir lo moun lé plizanpli kaprisy é li kontant pi lo nésèsèr. sé lo sipèrli i fo ali. Alé ! ni arète malparlé pou zordi é ni artrouv pli d’van sipétadyé.