“Monsieur Paul Vergès, est-ce que vous lisez Témoignages ?” : Mi mazine difisilman Ibrahim Ahmed Aziz - sa mèm, zournalis i fé rovi la press le matin si RFO-Radio - poz in kestion konmsa prézidan la Rézion. Pourtan in kestion pertinan, konm i di !

Mé la pa forséman le ka èk tout bann zinvité li resoi. Lot zour, li la fé le kou èk le Rèktèr. Pou in foi té pas’. Zédi, ièr, li arpoz le mèm kestion, la prézidante le Départman. Ben, akoz li fé pa pàrèy èk lé zot zournal ?!!

Par plézir atrouv ali fas’ in marsien tèlman, pou li, lèktèr nout zournal sré rar konm korne lapin ? Mi kroi pa ditou. Monlavi, li voi bien toute problèm inportan pou La Rénion lé forséman dann Témoignages. Vodrémié alors’, diskite ladsi plito si le sipor li-mèm. Siportèr i mank pa nou !!!!

Justin