Pré d’kinz zour apré pasaz Katrina, i koné pa ankor ékzaktoman konbien d’moune la pèrd la vi dann siklone-la. Le sèl sertitid nou nana : bann pov, bann noir la trinké o maksimome. Lé Zétazini, le soidizan “far di mond” nora leson pou tiré èk katastrof-la !

Mé pa sèlman pou bann Zamérikin. An Frans’ par èkzanp, nout bann dirizan - dopi le P.S an pasan par l’UMP - na d’koi pou réfléshi. Afors avoir le zié braké si lé Zétazini é brad le pé d’servis’ piblik i arèt, ni voi kosa i pé atann anou ! !

Si ni ziz sèlman si la sékirité é la protèksion la popilasion, le modèl amérikin nana pou glas’ de moune. Nomé par Bush, le responsab fédéral la sékirité lavé okin konpétans’. Inkonpétans’ la pèt dramatikman o gran zour èk Katrina ! ! !

Justin