La fervèr otour lantèrman Yasser Arafat i di asé la karir, lèstime dirizan-la lavé. An Palestine, biensir, mé osi anparmi in takon pèp rotravèr la tèr. Koman dann in sitiasion d‘konfli marsh pou la pé, san mèt an misouk son prop rovandikasion ? Sé sa le sinbol Arafat. In véritab létandar !

Ala poukoué nou lé an kolèr kan ni voi tousa kont’vérité bann zournal i dévèrs’ lokazion son mor. Soidizan boug-la té in “téroris”. Mé, dann le mèm tan, zot i mazine èk linkiétid “lapré Arafat”. Komsi, lanplèr rekèyman otour son katafalk i amonte pa sifizaman lo volonté la pé le pèp palèstinien !!

Kolèr-la i devien la révolt, kan i fini par di : “Arafat té in diktatèr, li la pa prépar son siksésion. Si L’OLP na bien in niméro 5 ou 6, la zamé i in niméro 2”. Mé konbien kad palèstinien la été siprimé par larmé israéliène ? Nome in niméro 2, sé dézign ali otomatikman konm le proshin sible !!

Justin