Mézami, zot i koné linz koulèr sé linz koulèr, mé kan li la fine konète plizyèr lavaz avè savon solèye é tou lo bazar li komanss pali é dé koulèr inn koté l’ote i komanss monte inn dsi l’ote. Kan i ariv konmsa la mèr d’famiye i di lo linz na pi d’koulèr é dann son lidé wi konpran bien l’èr ranplass linz l’arivé.

Néna dé foi bon-bon linz i ranplass pars la koulèr osinonsa lo bann koulèr i komanss pali. Lo pli gayar sé kan dann magazin i vann bann linz délavé dopi son fabrikassion. Mèm défoi i vann linz nèv déshir.

La mode la, sa in drol de shoz kant mèm : in linz délavé par lizaz, sansa déshiré par lizaz sa i doizète ranplassé mé si sé in linz nèv délavé, sansa déshiré rakomodé nèv ébin sa wi pé pète pars li lé prévi d’ète konmsa.
Alé ! Mi kite azot rofléshir la dsi é ni rotrouv pli dvan sipétadyé.

Justin