Médam, Mésyé , La sosyété koz èk moin sé koz èk in kouyon, mé sé o pyé d’lo mir k’i oi lo bon mason. Mé zami, moin lé sir zot la fine antann in kozman konmsa-si zot la pankor antann sé ké zot i rèss déyèr solèy. Mi di sa mé moin lé sir zot i koné kozman-la. Mé poukoué i di sa ? Pétète sinploman pars lo mal i pèrmète tir lo signal l’alarm. Lé vré pou lo kor : si ou i gingn inn fyèv sa i vé dir aou néna in bout shé ou k’i kol pa é si sé sa i fo konsilté .I fo dir galman kan ou néna in bout i fé mal, in sinp mal dann vant sansa dan la tète, ou i méfyé pars ou i di : dofé i kouv dsou la sand é dann in ka konmsa tansyon pangar. Mé sa sé in konsèye lévalab pa solman pou la maladi mé pou in ta d’problèm la vi : konm in pti dète. ; In sinp rapèl é ou i rant dann droi shomin. Alé ! Mi kite azot rofléshi la dsi é ni artrouv pli d’van. Sipétadyé.