Mésyé, Médam, La sosyété koz èk moin sé koz èk in kouyon-mé sé o pyé d’lomir k’i oi lo mason. Mi sort antann in moun apré di, in sèl min i pé pa bate la min é sa lé bien vré. Parèy, koman i fé pou lav out min si ou néna arienk inn. Fé konm ou i vé, mé sak lé sir sé ké ou i gingn ar pa. Si mi di azot mi yèm kozman pou la rout la, lé posib zot i konprannn ar pa pou kosa. Poitan mi trouv lé sinp. Afèr ? Pars kozman-la i sinboliz la solidarité. Ou la bien bézoin out dézyèm min pou lav ourt promyé. Parèy i fo ou néna dé min pou bate la min mé fors-a-fors mi kalkil mi konpran nout dézyèm min sa sé in kékshoz bien itil. Alé ékri in min ? Out papyé va shap avèk ou. Alé manj in min ? Etone pa ou si out zasyète i pète atèr. Bataye avèk in sèkl poin mi paryé ou sar féb li. Alé ! Mi kite azot rofléshi la dsi é ni artrouv pli d’van. Sipétadyé !