Mézami, mi koné pa pou zot, mé pou mwin i pass in bon boute tan avan mi obliye vréman in moune.

I ariv touzour in l’èr, in moman dan l’ané mi rapèl lo moune disparu. Si la pa lo zour, la nuite mé momandoné ni kontakt kissoi ni kroi, kissoi lé vré pou vréman-an rève assiréman.

Mi panss toulmoune i doizète dakor avèk mwin dsi so poinnvizé-la. Mé mi panss souvan, kan mwin sar fine alé, kissa va rankonte mon bande mor, kissa va oir azot an rèv konm mwin mi oi, kissa va santi zot prézanss konm mwin mi san ? Kissa i sava kontinyé noute konvèrssassion ?

Pèrssone ?

Alor lo mor sar mor pou vréman… Mi kite azot rofléshi la dsi é ni artrouv pli d’van. Sipétadyé.

Justin