Lyèv-la sa in kour vit sa. An pliské sa, li kour pa droit, li kas kontour tazantan. Alor kan ou i kroi ou i sava alime ali, out galé, sansa out fizy i toush lo vid. Pou bien aviz ali, i fo ou i kalkil son trajéktoir : si ou i rogard bien, ou i an apèrsoi, li kour in bout droit, apré li kas in kontour, li arfish in bout dirèk épi li arkas kontour. Donk si ou i nyabou trap ali, i fo ou lé monstré. Kont pi si ou i vé kas son pti bout la ké. Sé pou sa, kan i di sak moin la di an-o la, sa i vé dir lo moun lé malin-malin vèy pa, lé débrouyèr avèk sa.

Kosa zot i anpans ? Arien ditou ? Fé travay z’ot koko ! Fé bouy z’ot matyèr griz ! Zot va oir ké rant-rannt, ni pé z’ète dakor rantre nou.

*lésprésyon-la moin la trouv dann liv Daniel Honoré "Somi-lo mo"