Moin lé a d’mandé koman i fo pran in kozman konmsa. Si ou na afèr avèk in moun néna in gran pasé, mé li lé dsi l’déklin solon ou, sir I fo pa prann kozman-la pou in konpliman. An kontrèr si ou néna afèr avèk in moun, I ral inn dé kasrol avèk son ké é si ou i désid fé ali konfyans kozman moin la mark an-o la, lé pou zoué an son favèr. Mé tout demoun i pé trouv ali, momandoné, apré fé fas avèk son pasé. Bonaparte dann la kanpagn l’Italie lété pa Napoléon dann la kanpagn do Frans : inn té i mont, é l’ot té pa loin dsann. I di mèm, shakinn rant nou i trap, sak i apèl son pa d’port l’inkonpétans : la pa grav, pars la vi lé konmsa. Sèl z’afèr i kont sé d’poz dsi ou mèm in zyé d’vérité… Alé ! Mi kite azot rofléshi la dsi é ni artrouv pli d’van. Sipétadyé !