Dopi mi gard kozman-la, shak foi li tonm sou mon rogar, moin l’apré dmandé kosa li vé dir pou d’bon. Si sé in bon sansa in pa bon zafèr. Zot i koné kalbass mi pans : kisoi kalbass la gal, kisoi kalbass long, kisoi kalbass ron, mèm sitrouye shinoi, kan li pouss an karo sé in bonn’afèr, pars lé fasil pou amassé. Mé kan li pouss dsou zépine, korbèye d’or osinonsa sapan sa sé in n’afèr difisil pou, amassé. Solman lé dir pou volé galman, donk i pé z’ète in mové konm in bon zafèr. Arzout èk sa dé foi li pouss son tousèl é li aport in rishèss éspontané, ou i atann pa forséman. Mi souvien, in foi, in ga l’avé pa roplant son karo kalbass é li la fé in gayar rékolt parl pi-li l’avé vréman la shans sète ané la. Final de kont, in moun shansé i fé bone z’afèr konmsa, prèss par azar é sa séinn bone shoz pou li. Alé ! Mi kite azot rofléshi la dsi é ni artrouv pli d’van. Sipétadyé !