Zistoir mi sava rakont azot i parl pa la fain, mé la fré. Livèr laba dan La Frans la fré i done. Donk i shatlène apré asis la mèss-in madam l’avé in shato i santi koman la fré i tate. L’èrla lo soir noël èl i di avèk son kontromète obli pa fé donn inn-dé paké boi bann pov. Mé ala k’èl i rotourn son kaz apré la mèss é dann son shato i fé bien sho. D’apré lo zistoir, èl i di avèk son kontromète : « La pa bézoin donn bann pov paké d’boi pars la fré la fine pass in pé ! I arsanm ! ». I pé spass mèm z’afèr pou la fain. Si out vant i kriy famine ou i pé di out moun alé donne in pé la manjaye bann demoun épi kan lo vant lé plin i pé shanj d’avi. Sa i vé dir suivan lo ka ou lé d’dan ou i konpran sansa ou i konpran pa sak lé z’ot la bézoin. Alé ! Mi kite azot rofléshi la dsi é ni artrouv pli d’van. Sipétadyé !

NB In loson pou zéléksyon : si ou lé mizèr, pran gard ou i vote pou sak néna la fèss an or. Sansa lé éné in kiyèr larzan dann la boush. Ou lé riskab rogrète out fars.