Si mi di azot étan gran lékol l’avé in jenn téi koné arienk fé dézord é proféssèr téi di pa li gran-shoz sof, « in tomate gaté i gate in panyé » é sa té lo sèl konvèrssassion l’avé rant l’amontrèr épi l’amontré. L’amontrèr té i fé pa pliss in ka ké sa avèk li pars d’apré mwin téi atann konsèye de klass pou Sali son papyé é finalman té i fé pa arien pou fé arète ali.

Mé sa i vo pa solman pou lékol, i vo ossi dann travaye, mèm an sossyété pars mi trouv lé pa juss lèss in moune ète in grinn sab lé la pou anpèsh lamashine tourné.

Astèr si ni rode lo mo gate sansa gaté dé foi sa i vé dir in gayar zafèr : aou mèm mon gaté-pouri. Défoi sa lé pa pozitif ditou, kan i di in mang gaté i sifi pou gate in panyé… konm in moush dann fèrblan salé, konm lo tomate pouri dann in késson.

Alé ! Mézami mi kite azot rofléshir la dsi é ni retrouv pli dvan sipétadyé.

Justin