Mézami m’a rakonte azot in zistoir dann tan poul téi ponde dann zèrb. L’avé in foi in moune téi vand dozèf, in madam l’ashté douz é li la désside fé in bèl gato. Li la kass 11 zèf san problèm mé douzyèm lété gaté la gate lo total-kapital. Pi d’gato, pi d’arien, son lantropriz la foiré.

Si mi anparl azot sa sé pars souvan défoi, i sifi kissoi d’in nafèr ki marsh pa, kissoi d’in moune i mète lo dézord pou in lantroprize éshoué. In pti lékipe bien soudé, i vo myé k’in bande wati-watia apré fé dézorde.

Alé ! mi kite azot rofléshi la dsi é ni rotrouv pli d’van. Sipétadyé.

Justin