Médam zé méssyé, la sossyété, koz èk mwin sé koz èk in kouyon, mé sé o pyé d’ lo mir k’i oi lo masson.

Mézami, kozman-la lété pli valab lontan ké koméla pars koméla mwin la vi lo prète i partaz son boisson avek son lékip. Mé lontan té konm mi di azot : lo prète téi boir toussèl é lo moune l’avé poin arien pou dir sof si in pé i fé sa dan la boutik.

Pars dan la boutik néna konm in tradission la solidarité : l’avé konm in partaz. Mé lété pa bien non pli pars in pé téi lèss zot larzan épi zot santé dsi lo kontoir la boutk shinoi.

Domaz dir sa in moi lé rokomandé pou pa boir. Domaz konète lo konsékanss la boisson sirtou issi La Rényon : avèk 450 mor dann in ané, avèk toute lé z’ot konsékans. Kouraz pou sak i boir pa é ni rotrou pli d’van, sipétadyé.

Justin