Oté

« In pé lo zyé i komans vni blé zot la ! »

In kozman pou la rout

Justin / 8 novanm 2019

JPEG - 43.6 ko

Mésyé, Médam, La sosyété, koz èk moin sé koz èk in kouyon-sé o pyé d’lo mir k’ i oi lo mason. Mi koné pa si zot la fine antann kozman-la, mé si zot i fé travaye in pé zot matyèr griz moin lé sir zot va konprann ali . Kansa d’moun lo zyé i komans vnir blé ? Sé kan toudinkou zot i pran azot pou moun blan é zot i koné sa i ariv pli vite ké ni kroi. Komansa ? Sinploman kan toudinkou ou néna konm linprésyon ou lé dsi la otèr, kan ou i pans ou la fine pran lo lasansèr sosyal é lèrla out jabo i grosi, l’èrla i di galman out gr.. i grosi. Ou i sort la bass klass pou alé rozoinn bann moun bien. Dabor sa sé in défo nou kréol nou néna pou vréman : i di pa kan ou i amar in bourik avèk in kalèsh li pran ali pou in shoval ? Néna d’ot kozman pou di sa, mé mi sava pa dir azot sa toutsuit pars zot lé riskab prann amoin pou in malélvé. An touléka, mi pans i fo ni rofléshi la dsi é an atandan ni artrouv pli d’van. Sipétadyé !