Mézami, zot i koné lanploi la pa touzour in n’afèr fassil dann noute péi é souvandéfoi bonpé i rode piston, sansa i rode in protékssion pou gingn in travaye. I di zot i rode in plass bordaz

Lo travaye la pa in droi issi shé nou, mé souvan défoi sé in favèr é sak i rode travaye néna k’in sèl rokour sé bien fé oir ali par in anploiyèr, osinonsa aksèpt in travaye péyé an dsou d’la valèr donk in plass bordaz.

Lé bien vré d’ète dsi lo marshé di travaye la pa kékshoz fassil a mwinss ké wi sote la mèr pou alé loin. Néna dé péi lo travaye lé planifyé é si wi suiv in formassion la pa pou rèst atèr. Lé domaz shé nou lé pa konmsa.

Alé ! Mi kite azot rofléshir la dsi é ni retrouv pli dvan sipétadyé.

Justin