Médame zé Méssyé, la sossyété, koz èk mwin sé koz èk in kouyon, mé sé o pyé d’lo mir k’i oi lo masson.

Mézami kozman-la i di ossi :« in poil de k..la loi téi anbarke ali » mé konm zot i oi pé-s’fèr lé pa onète ékri sa kriman dann in zoinal-antouléka sé sak mi kroi pou l’instan.

Par tradissyon kréol la pèr la loi mèm si i ariv a afronté konm in pé partou dsi la tèr. Pou koué afronté ? Pars la loi lé souvan défoi rant in mové déssizyon in l’administrasyon é in viktime in pouvoir abizèr. Mwin la vi avèk mon dë zyé nèrvis mète bande roprézantan parti kominiss an déor d’biro épi la loi dispèrs azot avèk gronade lakrimozène.

Mé zot va di sa la fini mèm ké mi kroi pa san pour san é lo zour nora in vré kontèstassion le lotorité, kossa va éspassé ?

Mi kite azot rofléshi la dsi é ni artrouv pli d’van, sipétadyé.