Mé wala, si lé bien vré k’i pé pa lèss bann trafikan la drog, bann fézèr d’dézord, bann vyolan toutakabi anpèsh demoune viv a popré normalman. Lé vré galman k’i fo fé in konssantrassion bann moiyin pou ariv in bon rézilta dann dirékssion banna la prévu pou ède bann sitoiyin dann in vi konm mi di apopré normal.

Apopré normal, ok ! mé an parmi bann moune-la néna bann bayèr sossyo é dopi in sèrtin tan so bann bayèr-la i pran pa zot résponssabilité avèk bann zimeb épi bann zapartman souvan défoi, sa lé pa bann lojman konm i fo pou dmoune, kissoi bann famiye an difikilté, kissoi bann rotrété an movèz santé, osinonsa bann zanfan la santé lé frazil in bonpé. I fodré o mwin kan bann zokipan bann lojman i rante shé zot zot lé pa soinploman dann lotèl kouran d’èr.

Souvan i amontre dann télé bann lojman bien dégradé, bann zimèb prèss nèv lé pi an éta rossovoir d’moune... Biensir mi panss demoune lé ko, tan k’i mète bann moiyin konm mwin la ékrir pli o mé sré bien ossi ké se bann zotorité i pran ossi zot résponsabilité é sirtou bann bayèr sossio. Mi yèmré pa zot i done azot bone konssyanss par zot protokol épi sa i dospanss azot prann zot résponssabilité .

A boin antandèr salu !