Mézami, la vi zot i koné la pa touzour in gran flèv trankil. I ariv anou pran in sèryé kou d’kolèr kont in moun pars la fé si, la fé sa, la fé aou in krass ou I vien pa bou obliyé. Poitan la rolijyon konm la vi dann la sosyété momandoné i komand anou mète sa dsi koté, obliyé, pardoné. La késtyonn pardon sa i poz in zour ou in ot. Mi souvien in zour moin la parti la mèss é la fé in léktir lévanzil é dann léktir-la té i di : Si ou néna in ène kont in moun alé pou komansé fé la pé avèk li épizapré prézant aou dovan Bondyé, sansa dovan mon pèr, mi rapèl pi bien. An touléka té i di : « Fé la pé ! » . Fé la pé, donk obliy out rankine, obliy out ène é rékonsikyé aou. Donk la késtyonn lo pardon lé pozé, lo pardon épi l’oubliy. Mé lé posib obliy san pour san ? Mi kite azot roflléshi la dsi pars zot la bien lir sak lé marké an-o la. Si mi konpran bien i rèss kant mèm in pti rankine. Alé ! Mi invite azot rofléshi la dsi é ni artrouv pli d’v an. Sipétadyé.