Oté

« In ra i sava pa ral dsi moustash in lion »

In kozman pou la rout

Justin / 26 octob 2020

JPEG - 43.6 ko

Kozman moin la mark an-o la, sirman sa i sort sirman dann in péi na lion mé konm mi di sa i pé aplik dann tout péi. Moin nor pa trouv déplasé k’i mète in shate a la plas lo roi ann zani mo. An touléka, konm i di, kozman-la i vé bien di sak li vé di é mi oi d’isi la sène. Mé si son sans prop lé bien évidan, son sans figuiré li osi li bate dann nout figuir kan ni garda li pars inn lé si tèlman gro él’ot lé si tèlman san défans par raport lo promyé ké ni konpran toutsut la pa bézoin alé mète anou dann danzé amoins ké ni yèm fé mont kantité l’adrénaline néna dann nout san, fé lèv nout kardyak épi tonb dann la morbidité [1].-an touléka tonb rède mor. Alé ! Mi kite azot rofléshi la dsi é ni artrouv pli d’van. Sipétadyé.

[1An parlann morbidité, mi pans moin la antann sa dann « Madina »in shanté Maxime Lahoppe - in mine vokabilèr lontan - mé pé s’fèr mi tronp é si moin la tronpé mi yèmré bien k’i di amoin.