Soidizan lékol lé gratuite. Alé dir sa tout bann moman-papa lapo ésèy prépar la rantré pou zot marmay. Si lékol té gratuite, nou noré konù. Sak, kayé, stilo, klasèr, gom, kréyon, fèy, konpa, règ, zékèr, flùt, liv, anparmi tout sa nana po ashté.

Ankor, la pa koz linj. Marmay jordù i gingn pù alé lékol èk in baskèt shopi, in tishèrt youpi, in djin lili. Si la pa son ti Nike, son polo fantézi, èk in djin le pri, marmay i gingn pa aprann lékol. Son tèt sré o mouroir.

Larjan la rantré, kom mi di, la rantré. Moman-papa i roganiz le zafèr. Kan la pa rish, i rod bann promosion. Alé rodé in rantré gratuite...

Zistin