In kash mizèr dsi nout pasé épi dsi nout prézan pou arash lo pli vitman k’i pé :
2 septembre 2019
Vantredi soir konm in bonpé d’moun moin la parti ékout nout kamarad Elie dann gran salon la méri Sin-Dni.
Li té apré koz dsi lo soisantyèm anivèrsèr nout parti :Témoignages la fine an parlé é si zot i vé, zot i pe alé dsi Temoignages.re pou an avoir plis zinformasyon.Zot i konpran, dann mon kat ti mo, mi sava pa anparl lo gran diskour nout kamarad la fé dsi listoir nout parti é listoir La Rényon.Dé pti mo kant mèm pou rokonète lo lansman nout parti l’ané 1959 la vréman mark la nésans in konsyans rényonèz.
Zordi mi vé solman parl in kékshoz nouvo nout dirijan la di dsi listoir nout péi é dsi listoir nout pèp. Li la i di nout listoir lé kourt :375 z’ané par-la .Mé d’apré sak li la di néna plis troisan zan la spass dsou in réjime krime kont l’imanité : lésklavaz la komans avèk komansman nout listoir é la domi ashèv l’ané 1848 , la trète demoun téi sort in pé partou sof dan l’érop rokoni konm lésklavaz konm krime kont l’imanité par lo loi Taubira.Li la site ankor l’angajis mé d’apré bann zankète bann zanglé la fé, bann zangajé pandan lontan lété maltrété konm téi maltrète bann zésklav. ..épi la koloni ni doi konsidèr sa konm krime kont l’imanité – lo prézidan fransé la di sa kan li la parti an vizite dann La Tinizi .
Ziska zordi la plipar d’tan nou téi di lésklavaz épi la trète sé dé krime kont l’imanité mé lé vré si ni di sa ni zap d’ote krime lo kolonizatèr la fé isi mèm épi dann bonpé péi : Kansa lo krime kolonyal l’arété Madagascar ?Néna pou diskité la dsi.Lo krime kont bann komor :La fine arété la pankor ? La politik tyé ti Baba, zanfan La Creuse épi d’ot é d’ot ankor, la frode dann zéléksyon ?D’apré zot sa i fé pa parti bann krime kont l’imanité sansa non,Lé a oir !
Mésyé, médam, la sosyété, i fo ni rogard in pé myé listoir nout péi é listoir nout pèp, in pé plis a la loup solon moin pars nou la done in shèk an blan lokipasyon fransèz :kansréti kan ni di :1848 nou la gingn la libèrté.Kan ni di ankor :1946 nou la gingn légalité .An pliskésa lé vré zordi ankor nout pèp la pankor gingn son majorité.. Ni pé di bann zanfan La Creuse la komans rouv nout zyé dsi bann krime kashé.Lo liv Françoise Vergès-lo vant bann fam-i amontr ankor nout pasé dso u in zour la pa bon a voir.. Na d’ot ankor non ? Lé irzan bann zintéléktyèl nout péi i tir in pé lo kash mizèr i abiy in pé , solman in pé, nout pasé épi nou prézan.
La Réunion fait partie des régions françaises les plus touchées par les conséquences sanitaires, sociales et judiciaires de la consommation (…)
Médam zé Méssyé, la sossyété zot i ansouvien lo tan l’avé lo pou. Sa té in problèm pou zabitan noute péi pars pou-la sa i grate la tète, é i rann (…)
Les députés ont inscrit dans la loi un premier objectif d’atteindre « 87,5% » du Smic dès le 1er janvier 2026, tout en assurant de « prioriser le (…)
« Nous préparons actuellement une grande conférence sociale rassemblant responsables politiques, économistes et partenaires sociaux, pour tracer (…)
La porte-parole du gouvernement, Sophie Primas, a estimé que le délai supplémentaire accordé par le Premier ministre au conclave pourrait (…)
Lo zour la pokor kléré, Zan-Lik, Mariz é sirtou Tikok la fine lévé, mèt azot paré. Madanm Biganbé i tir zot manzé-sofé, i donn azot, zot i manz. (…)
Le 16 juin 2025, le Tribunal administratif de Paris a suspendu en référé l’arrêté du 26 février 2025 ordonnant le blocage de 17 sites (…)
Le Président des Etats-Unis, Donald Trump a ordonné le bombardement de trois sites nucléaires en Iran, dans la nuit du 21 juin 2025. Dans une (…)
Des manifestants, réunis le 23 juin devant les institutions européennes, ont demandé la suspension de l’accord d’association liant l’UE à Israël. (…)
L’État poursuit son engagement en faveur de la transition énergétique et de la décarbonation de l’électricité à La Réunion. À l’issue d’un appel à (…)
Dans les départements d’outre-mer, près d’une femme sur deux qui devient mère ne vit pas en couple, configuration familiale bien plus fréquente (…)
Une fois de plus, des femmes sont la cible d’une forme de violence lâche, insidieuse et profondément inquiétante : les attaques à la seringue dans (…)
