Mi souvien in zour mwin la pass la min dsi in baro pou détaké é in gro guèl shien la aboye amwin. Pa in lanboyman normal mé in laboyman gro shien la guèl krazé. Mon kèr la bate dann mon do konms li vé détashé..

Listoir i rakont, in zour in prète, dann tan lontan, la parti donn sakroman in mor mé kan li la fouète in kou d’lo bénite lo mor la arlévé. In pé pliss té lo prète téi mor. Mé rozman la famiye l’aporte in ronm avèk do sèl pou lo ranplassan d’Bondyé é la rétabli ali.

Vré pa vré mé i paré kan la vouli mète lo sèl lo prète la di : « mète pa dsèl, mète pa dsèl mon anfan. Gate pa sa ! »Mi vann azot sa konm mwin l’ashté..antouléka sé sak téi rakonte dann mon famiye lontan apré k’lo prète té fine pass l’ote koté.

Mi kite azot rofléshir la dsi é ni retrouv pli dvan sipétadyé.

Justin