Mé zami zot i koné kou d’kongn. Zot i koné sa in n’afèr i fé mal pou d’bon. Moin la fine anparl de sa pars sa i rapèl amoin arienk mové souvnir. Mi oi solman in doi d’pyé dékouroné, in zong paré pou tonbé é in doulèr vèye pa koman. Sanm pou moin kou d’kongn sa é in kékshoz i ariv in bonpé foi dann shomin kasé, dann la kour galé. Mé si ou i méfyé pou vréman ou i gingn pa kou d’kongn la. In onm avèrti i vo dé é si ou lé avèrti ou i lèss pa trap aou plizyèr foi. I di mèm si ou la vi lo galé la zourné, la nuite ou i lèss pa trap aou, donk mèm si bann kondisyon lé pa parèye, mèm si sé la nuite é sé pi la zourné. Alé ! Mi kite azot rofléshi la dsi é ni artrouv pli d’van. Sipétadyé !