Oté

« In saj k’i diskite avèk in inbésil i ramass arien k la fatig »

In kozman pou la rout

Justin / 7 octob 2019

JPEG - 43.6 ko

Mésyé, médam, la sosyété, koz avèk moin sé koz avèk in kouyon-sé o pyé d’lo mir k’i oi lo mason. Mé zami, mi koné pa si konm moin l’ariv azot diskite avèk in moun in pé boushé mé mi pé dir azot la pa in n’afèr fasil. Dabor lo moun boushé li néna arienk sèrtitid é son sèrtitid I bouj pa an vyéisan-pli pir, oplis li sava dann tan, oplis la kouyonis i bétone dann son tète. Lo saz pou son par li na poin sèrtitid pars li pass son tan a dékouvèr dé shoz é pli pir, li konpran li na poin la vérité, li na poin zamé la vérité. Alor I fo li diskite avèk lo kouyon épi li sèye démontr li néna rézon. Mé koman fèr sa si ou I koné bien ou i détien pa la vérité san-pour-san. Kant l’inbésil i prann inn-dé zidé, pa bokou, épi li bate la dsi konm i bate kou d’marto, lo saz pou son par, sèl shoz li gingn sé in kou d’mal dé tète épi in gran fatig. Mi arète tèrla pars boudikont mi koné pa si moin lé saz sansa si moin sé in kouyon. Mi koné pa si i kass in kan, dann kèl lékip i mète amoinn é dann in ka konmsa i vo myé pa oz in l’opinyon. Alé ! ni artrouv pli d’van. Sipétadyé !