Mésyé, médam, la sosyété kan ou i ariv in l’androi é sirtou kan ou I koné pa d’moun ,koman ou I fé pou komans fé aksèpt aou ?Pou moin ou i doi komans par fé la konésans lo moun.La pa in gran zafèr, dizon mèm la pa obligatoir, mé ni pé di lé konm in promyé kontak é sa i doi rann pli fasil la suit.

Dizon ou i vé alé tèl plas é ou i koné pa kèl shomin i fo ou i prann.Lo méyèr fason sé di bonzour avan domann out ransègnman.Pou kosa ?Pars la politèss lé né avan nou, é si ou di bonzour lé konm k’i diré in démarsh ou i fé avan out dmann, é l’moun I pans ou I koné l’onèkté é dann sé kondisyon ran out démarsh pli fasil.

Si ou i di pa bonzour, le moun lé kapab anvoye aou baladé é pa réponn aou, sansa réponn aou tort, pétète rakont aou inn krak .Aprésa ou mèm ou lé riskab ète an shalèr si I sharj aou d’lo é I mète aou dann in fo shomin.Donk, dann tou lé ka, i vo myé ou lé poli é sa I pé , konm lé marké an-o la, ède rouvèr out shomin.

Alé ! Mi kite azot rofléshi la dsi é ni artrouv pli d’van.

Sipétadyé !