A bon ? I sar tir sosis kui dann vant koshon ? I sar tir larzan ousa na poin ? Mi pansé té in plézantri, moin, mèm si té in plézantri mové gou ! Moin té i kroi sa bann moun lé kont lo gouvèrnman té i rakont la krak konmsa ? Alé oir !

Koman sa, moi d’aout i kado bann moun nana lo pourkoi, kinz miliar leuro, nitil dir gouvèrnman la gingn koud règ déssi lo doi avèk lérop akoz olèrk diminié, ala k’li goumant ankor lo défisit. Aprésa, lo prézidan la di : « Inkiète pa ! nou va tienbo nout promès ! Bidzé la Frans sar an lékilib avan ni trap la Sin-glin-glin ! »

Konm gouvèrnman la pa pli kouyon ké zot ou ké moin, li la di : éstèr i fo grat larzan, partou oussa k’i gingn ; i fo graté. Oté ! ala pa k’préd’ ui san mil pti-kolon i pèy pa linpo déssi télé ! Inkroiyab in, kékshoz konmsa... Zot va pèyé : 116 éro pou La Frans, 74 éro pou La Rénion. Astèr la fine koup lo zafèr an dé : 58 éro.

Konm diré in zistoir moin té i ém bien kan moin lété pti : « In soir la Chouette dit au blaireau : la suite au prochain numéro ! ». Alors alon atann proshin niméro pou nou konèt la suit !

Justin