In légzanp koméla : issi sin-dni ni di sèrpète é dopi bèlaz é botan ni apèl sa sèrpète. Mé demoune dann sud i apèl sa fossiye mèm si sèrpète é fossiye sé lo mèm obzé. Mé alon anparl bandèz avèk baké.

Mi rapèl in méssyé téi apèl Néri téi travaye la tol épi téi fé bandèj pou demoune son landroi é avèk sa mi panss li téi gingn sa vi. Son garsson téi apèl Raymond mé li la pa gingn fèr lo mèm travaye ké son papa : son kèr té tro gro é vitman-vitman li té soufé.

Anfin mi apnss zordi m’arète tèrla. Pa par s la pwin gran shoz pou dir, mé pars in pti koman konmsa i sifi pou mon lénèrzi. Pli gran na oir pli tar ?

Alé ! ni artrouv pli dvan sipétadyé.

Justin