Mi trouv kozman-la sé in kozman d’ sézon sirtou kan la sézon lé normal konm sète ané. Mé sa i vé pa dire ké sa lé tro bien pou nou. Ni oi bien lo déga in siklone i pé fère mèm si li pass o larz ; ni gnore pa non pli lo konsékanss bande gro plui.

Mé alon kalkil in kou :

Sa la fote la sézon ? sa la fote la plui ? Sa la fote siklone ? Sansa sa la fote toute in sistème lokipassion par l’om lé pa adapté par raporte noute klima, mi diré ké sé plito lo ka é lé pa paré pou arété avèk lo dérègloman klimatik.

Bon ! Nou lé touzour dann sanss prop ébin lo sanss figuiré alor ? Sinploman i fo pa trish avèk la réalité, pars la réalité i amontr aou kèl koté brinjèl i sharj-de quel bois je me chauffe, konm i di an franssé.

Alé ! Mi kite azot rofléshi la dsi é ni artrouv pli d’van. Sipétadyé.