Moin lé sir, zot konm moin, ni koné kozman-la dopi dé z’ané é dé z’ané. M rapèl kan moin lété lékol é kan in marmaye téi ravaj lo mètr téi di : « Ala lo tomate gaté ! » é mi pé dir azot sa laté pa in konpliman. Lé vré, in tomate gaté i pé gate tout in panyé, mé pou in bann marmaye dann in klass mi trouv lé in pé for. Par dsi l’marshé, bann fayo-konm i di - té ansèrv kozman lo mètr pou mète inn an parmi z’ot kamarad dann difikilté. Fransh vérité, mi oi pa sa konm in bon pédagoji sirtou si lo marmaye té révolté pou in bon rézon.-konm sa téi ariv désèrtènn foi. Alé ! Mi kite azot pou rofléshi la dsi é ni artrouv pli d’van. Sipétadyé !