Biensir, laba Zétazini, i ékzist in lazans’ fédéral pou zèr bann sitiasion dirzans’ konm in katastrof natirèl (FEMA). Sélman, dopi zatanta le 11 sèptanm 2001, sa la été avalé par in pli bèl bébéte, le Départman la sékirité intérièr. Èk in sèl lobzèktif : anpèsh in nouvo zatanta téroris si le sol amérikin !

Dikou, la préparasion pou fé fas’ bann katastrof natirèl la pas’ totalman a las’. Nana rienk pou la lit kont bann zarm dèstriksion masiv, shimik, biolozik, radiolozik é nikléèr. Onze miliar dolar la pass’ ladan, dopi 2001. In véritab lobsésion ! !

Rézilta : pou siklone Katrina, le FEMA lété pa famé, li la mèm fé tré mal. Pourtan, zot lété préveni depi troi zour avan. In tan d’ préparasion noré sèrtènman pa lès azot in lévantièl latak térorist si bann dig i protèz la Nouvelle-Orléans ! ! !

Justin