Pou kossa noute dévlopan durab ?
Pars issi ni plante kann, in plante avèk in kantité sou-produi i pé pèrmète an fète in bonpé d’moune La Rényon viv épi travaye dann in multi-prodiksyon, mèm konm souvan bonpé i di réissi in n’afèr nou la manké dopi lontan noute prop révolissyon indistriyèl avèk biento é sé sak mi souète lagrikiltir bio épi in bon protékssyon pou l’anvironeman.

Astèr ni pé domandé pou kossa arienk koméla, alé oir sa i fé lontan demoune la Rényon i poz in vré késtyon konmsa. San krétik lé z’inn é lé z’ot ni pé di, pars i fo lo tan pou lé zidé sirkilé, é lo tan pou demoune konprande dann kèl dirékssion alé pou dévlope nout l’or vèr.
La vitèss néna son tan é noute sossyété lé paré mantalman épi ékonomikman pou nou ariv landroi mi panss ni sava arivé.

In légzanp par bande plantèr pou trape in modèl rényoné é mi panss i tarde pa ni anbèk dann modèl-la é pa solman pou kann, mé galman pou lotosifiozanns alimantèr, lotonomi dann lénèrji, in lélvaz dirab, in pèsh dirab, avèk léfé sa i pé an avoir dsu noute ékonomi épi noute sossyété.
Si sa i ariv konm mi kroi, kèl rovansh pou bande plantèr kann déssèrtin i akuz viv arienk par subvanssion ! Kèl rékonpans pou noute bande konpatriyote i viv in vi dann travaye é in travaye difissil.. Biensir la parti lé pa ankor gagné.

Shomin granboi sa lé long, pti pa pti pa n’arivé. A bon ékoutèr salu !

Justin