Akoz i di sa ? mi panss sé pars konm kabri i bouz-bouz in bonpé, demoune i panss sé par rapor lo lé zot momon zot i tète dopi la néssanss… O-fon, mi koné pa si dolé kabri lé pliss nèrvé ké lo lé bann vash, si i done pliss lénèrji sansa non.

Antouléka pou in marmaye nèrvé demoune i di zot la tète dolé kabri é lé pa fassil apèz zot nèr. Somanké sa na arien a voir avèk lo lé d’kabri mé sé inn kroiyanss bonpé d’moune néna. Sré intéréssan d’konète oussa i lé la vérité, mé zordi mi koné pa, donk zot na ka kontante azot avèk mon lésplikassion.konm di lo patoi : sak lé pa kontan li n’a ka pran konstan.

Alé ! Mi kite azot rofléshir la dsi é ni retrouv pli dvan sipétadyé.

Justin