Dann tan-la, in frère épi mwin-mèm, mèm ké nou téi arèst Boi d’Nèf, nou téi sava katéshiss sint-klotid par raport l’avé pwin prète boi- dnèf, é l’avé in prète rouj sin t-klotide é sé konmsa ké nout dé inn mon frère nou la rotrouv anou dsi lo ban katéshiss dann landroi-la.

Pou anshèv avèk sa,dann l’ané la nomein prète Boi-dnèf é la fé la kominyon fin d’lané ; tank sint-klotid kominyon la anilé pars lo prète l’avé kamarade kominiss.Fèrm lo ban !

Donk i n matin ni ariv légliz, mon frère épi mwin-mèm, é kossa ni oi, dann mily l(alé rant bann fiy in koté épi bann garsson l’ot koté in sèrkèye avèk in tapi damassé dossi. Mon frèr avèk mwin nou lé ziss a koté,larmoir-konm Maxime laoppe i di dann Madina- Toute marmaye la tramass dsi troi kar d’ban afors nout dé mon frère téi pouss. Anfin la mess té long m la fini par ariv oboute.konm danbitde plizyèr marmaye la tonm fèb san manzé konm zot lété.

La mèss fini, dé zome de garde la vni :la tir lo tapi.La komanss démonte lo sèrkèye.Nou té blan avèk la pèr ! La kontinyé dmonté pi téi pran toute plansh épi téi mète dann in mèb dann fon légliz.Momandoné l’avé pi arien...Tout marmaye l’aproshé :l’avé pwin lo mor dodan.Lérta arienk in mèss dé mors an mor.Nou la ropran réspirasyon mé bann dame katéshis la fons dsi nou konm guèp i sort dsi lo ni ;

La késtyone anou, la késrtyone anou san pityé. Mèm zozèf lété késtyoné, li k’téi di ék’téi répète : « Madam, siouplé, lo mor oussa lé ? li la parti ou koi ? ».
Afors li la di é rodi, la mète ali ajnou dsi grinn sèl. In drol Mèss dé mor an vérité pou marmaye katéshiss !