Kriké Méssyé Kraké Madam

« Dagbatchi i di ankor : bondyé kan mwin sar vyé avan rajénir, mi gingn ar mèm pa alé ziska lo poin d’lo. Mon janb va fé mal pars monkor la fine vnir bon pé lour. Dé foi mwin lé blijé shof solèy in bon koup de tan pou gingn mète in pyé dovan l’ote. Lé bien dfisil bondyé konm wi pé rann aou konte par ou mèm. »
Bondyé la pran son l’èr lo pli sèryé é li la répond : « Dagbatchi, wi koné p in n’afè ou, Wi koné pa toute sak i gingn zanfan, tar sansa bonèr, i doi désote la vi, i doi mor.lo mal tortu la gard bondyé épili la fé oui avèk la tète.
- Ou lé paré pou mor si mi done aou zanfan ?
- Male tortu la réponn : « kan mon madam va porte zanfan wi pé fé mor amwin. »
Bondyé soko la di : « astèr mi vé oir bann zimin. »
L’om épi la fanm la prézanté.

Kriké Méssyé Kraké Madam

Bondyé Sokoto la éklèrsi son gorj épi li la di : « Azot bann zimin, mal Tortu i sorte dir amwin li vé ging, zanfan é zot, bann zimin, kossa zot i déside pou zot ? »« Ségnèr, ni ytèmré ossi gingn zanfan - la fam la réponde. Kan mon mari i sava la shass, mwin lé tousèle la kaz. Lo zanfan si sé in fiy va ède amwin fé travaye dan la kaz é mwin sar pu tousèl konm zordi. »
« Si sé in garson lo bononm la di, li va gingn ramenn lo zibyé é li va porte mon pan kan mi sava la shass. Kan mowin sar vyé émon min va komanss tranblé, lo garson va ging ède a^win alé la shass. Kan ou néna zanfan lé shoz lé pli fassil pou vréman. »Bondyé Soko la domandé : :« zot lé par épou mor pou gingn zanfan ? ».L’om épi la fam in sèl voi ma réponde : « Oui ».L’om la di anpliss ké sa : »Kan nou nora zanfan i fé arin si mi mor. »

La pankor fini