In zistoir pou rakonte dsi galé : koman la mor l’ariv dsi la tèr - Morso niméro 3

13 mars 2021, sanm Justin

Bondyé Soko, sé li k’la fé lo mond. La komanss par fé la torti Dagbatchi, l’onm épi la fémèl. Apré sa li la fé l’ome épi la fame, é kan lété fini li la fé galé. sa li la fé domoun é solman apré li la fé galé. Li la done azot la vi sof pou bann galé. Mé problème, pèrsone dan la bande té kapab gingn zanfan. Kan zot lété fine vyé Bondyé Soko téi done azot in nouvèl vi. Konmsa zot l’avé pa bézoin fé zanfan.

Kriké Méssé ! Kraké Madam !

Bondyé i koz avèk bann galé mé bann galé i répond pa li. Soko la aparl èk zot : li la di ; « Mi kozèk zot mé zot i répond pa mwin Mi domand si zot ossi i vé gingn zanfan pou mor aré ? M égalé i répod pa li zot. Aparaman, lo bann galé téi vé pa zanfan épi téi vé pa mor non pli.antouléka, sé sak Bon dyé la pan sé é i a fé konmsi.
Koman sa i sava fini in n’afèr konmsa ?

Fémèl tortu passé troi moi l’avé d’zf in kantité dann son vante é l’èr agué lété arivé. El la larg son zèf épi l’atann ki éklo. Mél o mal torti, li k’i viv si tèlman lontan lé mor in gran mati, alé kon ète pou kossa zot. Li la mèm pa vi son zanfan pars zèf torti i mète lo tan pou éklo.
La fam la tonb ansinte san tardé é l’èr pou akoush é téi tard pa, mé oila in matin li ossi lé mor é li la pa vi son zanfan.I paré sé par la kolèr bondyé sa l’arivé. La fam la gingn zimo, in fiy épi in garsson é èl té blijé travaye dir pou grandi azot. El té i anplègn son solitide avèk bondyé mé sète-la téi vé pi fé arien pou zot, ni pou madam Tortu.
Galé la rèss tèlke sé é zamé d’la vi zot la domande in n’afèr bondyé..

Mon zistoir lé fini. Si lé vré, li lé vré ! Si li lé mantèr, li lé mantèr ési lé mantère la pa mwin lotère. Kotonmayi i koul, rosh i flote.L’avé inn foi pou inn bone foi méssyé lo foi la manz son foi av èk in grinnsèl.

La fini

Padport