Oté

« In zoizo i pé vol o konm li vé, mé li fini par pozé sansa par tonbé »

In kozman pou la rout

Justin / 13 zwin 2019

JPEG - 43.6 ko

Près tout zoizo i vol. Pa tout pars néna konm dodo téi vol pa. Néna désèrtin i vol loin é oplis zot i vol loin, oplis zot i vol an-o dann syèl. Mi rapèl laba dann péi d’fré kan l’otone i ariv, néna zoizo an kantité i sort l’erop épi i sava dann sid. Si zot i gard sa dann télé, zot va oir tazantan par plas bann zoizo i poz in kou pou ropoz in pti grin. Osinonsa siklone, avèk tourbiyon i bate ali atèr. Sa sé pou zoizo ! Sa sé sans prop ! Mé sans figiré ? L’èrla i parl pi d’zoizo mé i parl lo moun sak i vé mont pli o k’lo syèl épi in l’èr zot i kal an plin vol, sansa demoun i kal azot. La vi lé konmsa ! kosa néna pou fèr ? arien ! Pars lé konm mi di azot é pa otroman. Alé ! mi kite azot rofléshi la dsi é ni artrouv pli d’van. Sipétadyé !