Kosa i lé so zistoir lo pou ? Sa té in n’afèr dann tabn lontan kan marmaye téi gingn lo pou é la momon té blizé raz inn apré l’ot sof kan té i mète pétrol dan la tète é in foular par dsi. Bon pou sa mèm ! Sa té in n’afèr bien vré : i fo mète zong do pous kont zong de pous pou kraz in pou. In sèl zong ou i gingn pa. Mé kosa sa i vé dir ozis ? Sa i vé dir, kan ou i vé in rézilta, i fo ou i mète lé moiyin mèm si la p agro moiyin. Si ou i vé z’ète éfikas i fo fèr konmsa. Pou moin na poi arien lé vré konmsa, sa sé lo b-a ba, kan ou i vé fé kékshoz. Mète lo moiyin, pa plis, pa moins. Si zot i vé fé otroman zot lé lib, mé pa bézoin kriy pityé si sa i marsh pa. Ni rotrouv !