Kosa ? Zot I sava pa dir amoin zot I koné pa lo pou ? Zot i sava pa dir amoin zot la zamé santi son gratouyaz dann z’ot tèt ? Pétète zot va dir amoin koméla nana la poud pou tyé bann bébète-la. Lé bien vré ! Mé dann tan, téi tir lo pou avèk lo lante avec la min é kan té fini tiré : « Pèf ! »Té fé pète ali rant dé zong de pous. Mé o fon, kosa kozman-la i vé dir ? Sa sré pa ankor in foi in provèrb solidèr nou nana isi La Rényon konm lo kozman nout tout i koné bien é k’i di konmsa : « In min i lav l’ot ! ». Sa sé in kozman i kont pou nou ! Sa sé in manyèr pou oir la vi. Tousèl ou i ariv pa fé in n’aèr ou tousè dopi A ziska Z, mé si nana pou ède aou-dann réspé lé z’inn pou lé zot, bien sir !- lé pli sir d’ariv o bout pli fasilman. Pa tousèl, mé ansanm-ansanm, alala in bon loi pou avans dan la vi. Alé ! Mi lès azot kas z’ot tète la dsi, é ni artrouv pli d’van sipétadyé.