Mézami sa i rapèl amwin lo tan mwin lété jenn-jan, donk lo tan pou sorte lo soir é si néna in pti pé la fain la pankor kontanté, lo tan pou trape in pé lo frui épi ranpli in pé lo boujaron kan li lé tro vide. Antouléka sé kékshoz mi rapèl kan mi garde in pé an aryèr dann rétrovizèr mon vi.

Fransh vérité dann tan-la l’avé dé shoz pou kontante anou : kissoi kann an paké dann karo, kissoi sriz, kissoi zanblon, kissoi ankor mang, gouyav, pi in ta gayar zafèr la natir téi ofèr anou... Mé antanssion gardien, antanssion lo propriyétèr, antanssion prann é volé sa i rossanm in pé é lo propriyétèr sirésèrtin sa i plé pa touzour.

Wala pou kossa mi di kozman an-o la é mi lèss azot rofléshir dsi. Astèr ni rotrouv pli dvan, sipétadyé.

Justin