Mi an souvien in moun banna té i apèl ali radio, akoz li lavé touzour in pti pos radio téi fé ka-ka-kra-ka-ka-kra dann son zorèy, zour konm nuit. Son sèr Madélène lavé donn ali in plas pou résté. Tout la zourné, boug-la té té ki fé mèm la bourkant aprésa li té i ramèn la moné pou son pti sèr. Parlfèt, té pa son sèr an vré, té plito son domi-sèr, mèm momon pa mèm papa.

In zour li trouv son matante zélida flé bien koupé, la donn ali pou konprann lo kaz té ali an prop, vik té in bienn’fon son défin papa. Li sé d’pa pèrd la kart, rotourn son kaz épi di son sèr : « Ma sèr, ou la donn amoin in pti plas po résté, mèrsi bien ! Solman, éstèr wa grandi mon plas, akoz la kaz t’a moin ».

Astèr-la, alon koz in pé d’sï la lang kréol La Rénion : èl lé éné issi, i fé parti nout patrimoine. Pou insi dir, èl lé shé èl. Zordi, i donn aèl inn dé pti plas, dann radio, dann zournal, dann lékol, dann télé mé lé fèb an rézon. Alor konm di lo zistoir, èl nana in pti plas pou rakokiyé solman i sifi pi, éstèr, i fo in plas pli gran pou èl dépliye son zèl. Fransh, vérité !

Justin