Dapré inndé léko i arvyin dann mon zorèy, laba an Frans banna la pou fé in sinéma pa posib èk lo mariaz bann zomosèksièl. Isi La Rénion, i fé koz de moun la dsi osi, é le kozman lé pa touzour zoli, mi di a zot.

Lé vré, sa lé in “promière”, konm kidiré. Mé frans vérité, rant dé moun mèm sèks "pacsé" é dé moun mèm sèks marié, zot i voi in diférans zot ?!

An parmi nou, shakèn i doi ni abou fé sat li vé, dann la mézir li zèn pa domoun é li rod pa pou inpoz son tourné viré. La libèrté privé la pa inn afèr i koup i transh dodan. Arèt fé in fromaz èk inn afèr i mérite pa !!

Monlavi, nana ankor bonpé d’moun i vé pa aksèpt zot i apèl “lot kalité”. Mé bann “lot kalité”, sé do moun osi. Zot nana otan lo droi k’ lé zot. Rèspèkt inpé la diférans siouplé !!!

Justin