Moin l’avé in paran la viv bien vyé. Li la pa trap sant’an mé li té pa loin trapé. Demoun té i oi ali kan li té i sava suiv in l’antèrman. Zot i koné nana in l’az ou i sava plis l’antèrman ké batèm, konmsi l’odèr la tèr fouyé té i fé z’apèl pou ou. An touléka, mon vyé paran té i mank pa in l’antèrman é kan d’moun té i oi ali, té i di souvan : “A ! Mésyé Intèl ou lé ankor la don ?”. In manyèr pou fé konprann li nar pa été tro mal plasé si lété li dan la boite plito k’lot moun. Sé dir azot si li té an kolèr mé li téi di pa arien, li té amorti. Ziska k’in zour in moun ankor in pé jenn la rodi ali lo mèm kozman. Li la tir dann fin fon son tète kozman moin la mark an o la. So kou isi té pi li lo moun véksé mé l’ot, lo ga téi rode fé inté. Alé ! Mi lèss azot réfléshi la dsi si zot i vé bien é ni artrouv pli d’van sipétadyé.