Vandrodi soir o Port lavé in gran lanbians’ pou in gran Rénioné la désot’ la vi tro bonèr : Marco Polo. In manièr pou in takon zami retrouv Marco pou in bon krazé é fé in zèst la solidarité parapor son famiy.
Maloyèr, parabolèr, shantèr, kontèr, kasèr la blag ou fonnkézèr..., toute-le-pé la mèt ansanm pouk kabar-la i arèt gravé dann mémoir sat lété prézan. Marco la touzour binyié dann la kiltir rénionèz é la kiltir rénionèz la mèt ali bien an-o, asoir-la !
Mèm si in maloyèr kasèr-lé-kui la profite lokazion, non pa pou kass’ la blag, mé pou ésèy kass’ le soiré èk kozman politsien. Sertènman pa le méyièr fason onore la mémoire Marco. Kan in parabolèr i tronp parabol, demoune i fé konprann ali !

Justin